"Arsenal", "Manchester Siti", "Tottenxem" va "PSJ" bir futbolchiga qiziqib qolishgan

ESPN xabariga ko'ra, "Arsenal", "Manchester Siti", "Tottenxem" va "PSJ" "Lion" yarim himoyachisi Lukas Paketaga qiziqish bildirmoqda.

Manbaning xabariga ko'ra, 24 yoshli braziliyalik frantsuz klubidagi o'rnidan qoniqish hosil qilmoqda va jamoadan ketmoqchi emas.

Qayd etilishicha, yarim himoyachi keyingi mavsumda ham "Lion"da o'ynashda davom etadi.

Paketa o'tgan mavsumda "Lion" safida 43 ta o'yinda 11 ta gol urdi va 7 ta golga assistentlik qildi. Uning klub bilan shartnomasi 2025 yilning 30 iyuniga qadar mo'ljallangan.