Akmal Xoliqov: «So'g'diyona» sun'iy maydonda o'ynab, charchab qolgandir»
/ Kiritdi: BestMaster Ko'rilgan: 98
Coca Cola Superligasining 13-turidan o'rin olgan "So'g'diyona" – "Qizilqum" qoldirilgan uchrashuvidan (0:3) so'ng o'tkazilgan matbuot anjumanida navoiyliklar yordamchi murabbiyi Akmal Xoliqov qatnashdi.
— O'yin haqidagi fikrlaringiz qanday?
— Avvalo, "So'g'diyona" klubini OFK kubogida mamlakatimiz sharafini munosib himoya qilgani bilan tabriklayman. Ikki jamoa o'yinchilari ham bugun ajoyib o'yin ko'rsatishdi. Bugungi uchrashuv AGMK va "Navbahor" o'rtasidagi o'yindan sira qolishmadi. Ikki jamoa o'yinchilari va stadionga kelgan muxlislarga rahmat aytaman. "Qizilqum" futbolchilari murabbiylar tomonidan berilgan barcha ko'rsatmalarni a'lo darajada bajarishdi. Bugun haqli g'alabaga erishdik.
— O'yindan avval yirik hisob qayd etilishini kutganmidingiz?
— O'yindan oldin "So'g'diyona" uyda agressiv ko'rsatishini bilardik. Jizzaxliklar OFK Kubogida sun'iy maydonda o'ynashdi. Balki shu sabab ham ularda charchoq a'lomatlari sezilgandir. Ammo bunday yirik hisob qayd etilishini kutmagandik. Biz himoyaviy taktikani tanlab, qarshi hujumlardan foydalanishga harakat qildik va yirik g'alabaga erishdik. Navoiydan kelib, jamoamizni qo'llab-quvvatlagan barcha muxlislarga rahmat deb qolamiz.
Bosh sahifaga
214