"Chelsi" "Bavariya" himoyachisi uchun asosiy da'vogar

"Bavariya" yozda himoyachi Benjamin Pavarni sotishga tayyor. Sky Deutschland xabariga ko'ra, futbolchiga asosiy da'vogar "Chelsi" hisoblanadi.

Shuningdek, “Atletiko” va “Yuventus” Frantsiya terma jamoasi safida jahon chempioni bo'lgan himoyachiga da'vogarlik qilmoqda.

O'tgan mavsumda futbolchi 25 ta o'yinda maydonga tushib, 1 ta golli uzatmani amalga oshirgan.

26 yoshli Pavar 2019 yilning yozida “Shtutgart”dan “Bavariya”ga o'tgan edi. Futbolchining transfer narxi 30 million evroni tashkil qiladi. Himoyachining shartnomasi 2024 yilning yoziga qadar mo'ljallangan.