"Arsenal" Belgiyadan futbolchi sotib olishi mumkin

Londonning “Arsenal” klubi “Bryugge” hujumchisi Sharl de Katelare uchun kurashga qo'shildi.

21 yoshli belgiyalik futbolchi bu mavsumda Evropaning bir qancha top-klublari e'tiborini tortdi. Premer-liga jamoalari qiziqish bildirishidan tashqari, futbolchini "Milan" ham o'z safiga qo'shib olishga harakat qilmoqda.

"Kanonirlar" bosh murabbiyi Mikel Arteta yosh futbolchining rivojlanishini muvaffaqiyatini diqqat bilan kuzatib, uning hujum chizig'ining istalgan joyida o'ynash qobiliyatini qayd etdi, deb xabar beradi Calciomercatoweb sayti.

Futbolchi o'tgan mavsumda Belgiya chempionatida 39 ta o'yinda maydonga tushib, 14 ta gol urdi va 8 ta golli uzatmani amalga oshirdi.