"Milan" Duglas Luis bilan shartnoma imzolamoqchi

"Milan" klubi "Aston Villa" yarim himoyachisi Duglas Luisga qiziqmoqda, deya xabar beradi Goal.

Manbaga ko'ra, tomonlar 24 yoshli braziliyalikning transferi bo'yicha muzokaralarni boshlab yuborishgan. Bitim summasi 30 million evroga etishi mumkin. Futbolchining "Aston Villa" bilan shartnomasi 2023 yilning iyun oyi oxirigacha amal qiladi, bu esa yarim himoyachining sotilishiga hissa qo'shishi mumkin.

2021/22 yilgi mavsumda Luis “Aston Villa” safida 35 ta o'yinda maydonga tushib, 2 ta gol urdi va 3 ta golli uzatmani amalga oshirdi. Transfermarkt.com portali futbolchining narxini 38 million evroga baholamoqda.