De Ligt "Yuventus"dan o'zini qo'yib yuborishini so'radi

Turinning “Yuventus” klubi himoyachisi Matteys de Ligt o'z klubidan boshqa jamoaga qo'yib yuborishini, deb xabar beradi Bild.

Manbaning xabariga ko'ra, niderlandiyalik himoyachi ushbu transfer oynasida Turin klubini tark etmoqchi. U allaqachon boshqa klubga o'tish istagini bildirgan. Malumotlarga ko'ra, u "Bavariya"ga o'tmoqchi.

Eslatib o'tamiz, 2019 yilning 18 iyulida de Ligt Amsterdamning "Ayaks" klubidan Italiyaning "Yuventus" klubiga 75 million evro + 10 million evrogacha turli bonuslar ko'rinishida o'tgan edi. 2019/2020 yilgi debyut mavsumida u mamlakat chempioniga aylandi.

22 yoshli Matteys de Ligt joriy mavsumda “Yuventus” safida barcha turnirlarda 42 ta o'yinda maydonga tushib, 3 ta gol urdi va bitta golli uzatmani amalga oshirdi.