"Manchester Yunayted" so'nggi tafsilotlarni hal qilishi kerak

"Manchester Yunayted" Niderlandiya va "Barselona" yarim himoyachisi Frenki de Yong transferining yakuniy tafsilotlarini hal qilishi kerak, deya xabar beradi taniqli insayder Fabritsio Romano.

Manbaga ko'ra, jamoalar o'rtasidagi transfer narxi allaqachon to'liq kelishib olingan. Ushbu transfer ingliz klubiga 65 million evroga tushadi. Bir tafsilot qoldi - futbolchi uchun bonuslar. Tomonlar bu borada muzokaralarni davom ettirmoqda. Romanoning fikricha, bonuslar 20 million evroga etishi mumkin.

De Yong "Barselona"da 2019 yildan beri to'p tepadi. Uning klub bilan shartnomasi 2026 yilgacha mo'ljallangan.

Frenki o'tgan mavsumda "Barselona" safida La Ligada 32 ta o'yinda maydonga tushib, 3 ta gol va 3 ta golli uzatmaga mualliflik qilgan.