Eriksen Ten Xag bilan suhbatdan so'ng "MYu"ga o'tishga rozi bo'ldi

Yarim himoyachi Kristian Eriksen faoliyatini “Manchester Yunayted”da davom ettiradi. Jurnalist Fabritsio Romanoning so'zlariga ko'ra, u allaqachon klubga o'tishga rozi bo'lgan.

30 yoshli daniyalik 2025 yilning iyunigacha shartnoma imzolaydi. Futbolchi faqat transfer uchun zarur bo'lgan hujjatlarga imzo chekishi va tibbiy ko'rikdan o'tishi kerak.

Eriksen yakuniy qarorni “Manchester Yunayted”ning yangi bosh murabbiyi Erik ten Xag bilan yuzma-yuz uchrashuvdan so'ng qabul qildi.

Yarim himoyachi 2022 yilning yanvaridan beri “Brentford” safida harakat qiladi. U chempionatda 10 ta o'yinda maydonga tushib, 1 ta gol va 3 ta golli uzatmani amalga oshirdi.