"Real" Rodrigo bilan uzoq muddatli shartnoma imzolaydi

Madridning “Real” klubi tez orada braziliyalik hujumchi Rodrigo Goes bilan shartnomani uzaytiradi, deb xabar beradi Marca.

Manbaga ko'ra, tomonlar 2028 yilning yoziga qadar amal qiladigan yangi shartnoma imzolashga kelishib olgan. Futbolchining maoshi sezilarli darajada oshadi.

21 yoshli Rodrigo o'tgan mavsumda "Real" safida barcha turnirlar doirasida 49ta o'yinda maydonga tushib, 9ta gol urdi va 9ta golli uzatmani amalga oshirdi.