35 yoshli Moutino "Vulverxempton" bilan yangi shartnoma imzoladi

Yarim himoyachi Joau Moutino “bo'rilar” bilan shartnomasini uzaytirdi. Klub sayti xabariga ko'ra, kelishuv keyingi mavsum uchun mo'ljallangan.

Avvalroq, 35 yoshli futbolchi "bo'rilar"da yuqori maosh oluvchilardan biri bo'lib qolishi haqida ma'lumotlar paydo bo'lgandi - uning klubdagi maoshi o'zgarmaydi.

Moutino 2018 yil iyulidan beri "Vulverxempton" safida to'p tepadi. O'tgan mavsumda yarim himoyachi jamoasi safida 39 ta o'yinda maydonga tushib, 2 ta gol urdi va 1 ta golli uzatmani amalga oshirdi.

Uning "bo'rilar" bilan avvalgi shartnomasi shu yozda yakuniga etgan.