Arnautovichning "Yuventus"ga transferi 15 millionga tushishi mumkin

"Bolonya" hujumchisi Marko Arnautovich "Yuventus"ning asosiy transfer maqsadlaridan biri hisoblanadi. Jurnalist Nikolo Skira xabariga ko'ra, "Yuventus" bosh murabbiyi Massimiliano Allegri futbolchini sotib olishni talab qilmoqda.

"Bolonya" 33 yoshli avstriyalikni sotishga tayyor, biroq u uchun 15 million evro talab qilmoqda.

Arnautovich o'tgan mavsumda barcha turnirlarda 34 ta o'yin o'tkazib, 15 ta gol va 1 ta golli uzatmani amalga oshirdi.

Hujumchining "Bolonya" bilan shartnomasi 2024 yilgacha mo'ljallangan. Shartnomada kelishuvni yana bir mavsumga uzaytirish imkoniyati ham mavjud.