"Latsio" futbolchisi La Liga klubi bilan shartnoma imzoladi

"Betis" "Latsio" himoyachisi Luis Felipe bilan shartnoma imzoladi, deb xabar beradi ispan klubi matbuot xizmati.

Andalusiyaliklar jamoasi va futbolchi o'rtasidagi kelishuv 2027 yil oxirigacha tuzilgan.
Shu yilning iyun oyida 25 yoshli italiyalik himoyachi terma jamoada debyut qilgandi.

Felipe o'tgan mavsumda "Latsio" safida barcha turnirlarda 40 ta o'yinda maydonga tushdi. Rim klubi A Seriyaning 38 turidan keyin 64 ochko bilan 5 o'rinni egalladi.