"Paxtakor" O'zbekiston chempionatida 2000-golini urdi

Biroz avval Superliga 5-turidan o'rin olgan "Metallurg" - "Paxtakor" uchrashuvida "sherlar" 0:2 hisobida g'alaba qozondi.

"Metallurg" bilan uchrashuvda Aziz Turg'unboev kiritgan to'p "Sherlar"ning O'zbekiston chempionatidagi 2000-goliga aylandi.

Milliy chempionatlardagi ilk golimizni Oleg Sinelobov 1992 yil Kosonsoyda "Kosonsoychi" jamoasi darvozasiga urgan. 100-gol esa Shuhrat Maqsudov hisobiga yozilgan. Himoyachi bo'lishiga qaramay, Ulug'bek Ro'zimov ikki bor yubiley gollari muallifiga aylangan. Zayniddin Tojiev va Aleksandr Geynrix ham shunday natijaga erishganlar. Geynrix "Paxtakor"ning 1000-golini urgani e'tiborga molik. 2005 yil Toshkentda "Metallurg"ga qarshi bellashuvda u bunga muvaffaq bo'lgan. Marat Bikmaev "Andijon" bilan bahsda 1800-to'pni kiritgandi. "Buxoro" bilan bahsda 2020 yil Igor Sergeev 1900-to'pni kiritgan. Bekobodda "Metallurg"ga qarshi bellashuvda esa Aziz Turg'unboev 2000-gol muallifiga aylandi.

Quyida yubiley gollar mualliflari bilan tanishing.
1 - Oleg Sinelobov
100 - Shuhrat Maqsudov
200 - Ulug'bek Ro'zimov
300 - Ulug'bek Ro'zimov
400 - Samad Narziqulov
500 - Igor Shkvirin
600 - Soli Qurbonov
700 - Leonid Koshelev
800 - Server Jeparov
900 - Zayniddin Tojiev
1000 - Aleksandr Geynrix
1100 - Ixeruome Uche
1200 - Zayniddin Tojiev
1300 - Aleksandr Geynrix
1400 - Sherzod Karimov
1500 - Oybek Qilichev
1600 - Stanislav Andreev
1700 - Igor Sergeev
1800 - Marat Bikmaev
1900 - Igor Sergeev
2000 - Aziz Turg'unboev

Manba: "Paxtakor" klubi matbuot xizmati