Ronaldu "Manchester Yunayted"ning yangi mavsumdagi ilk mashg'ulotini o'tkazib yuboradi

"Manchester Yunayted" hujumchisi Krishtianu Ronaldu bugun, 4 iyul kuni jamoaning 2022/23 yilgi mavsumdagi ilk mashg'ulotini o'tkazib yuboradi.

37 yoshli futbolchi oilaviy sabablarga ko'ra mashg'ulotlarga kela olmasligini aytgan.

Malum bo'lishicha, futbolchi klubning transfer ishlaridan norozi bo'lgani uchun "Manchester Yunayted"ni tark etishi mumkin.

Ronaldu 2021 yil avgust oyi oxirida "Manchester Yunayted"ga qaytdi. 2021/22 yilgi mavsumda u jamoa safida barcha musobaqalarda 38 ta o'yinda 24 ta gol urdi va 3 ta golli uzatmani amalga oshirdi. Hujumchining klub bilan shartnomasi 2023 yilning 30 iyuniga qadar amal qiladi.