"Paxtakor"ning "Metallurg" bilan o'yinlardagi to'purari kim?

"Paxtakor"ning "Metallurg" bilan o'zaro o'yinlarda eng ko'p to'p kiritgan futbolchilar ro'yxatini Igor Sergeev boshqarib turibdi, deya xabar berdi klub matbuot xizmati.

Sergeev bekobodliklar darvozasini 9 marta ishg'ol qilishga erishgan. Anvar Soliev hisobida 8 gol mavjud. Server Jeparov esa 6 bor to'p kiritgan.

Shuningdek, "Metallurg"dan Dilmurod Karimov ham "sherlar" darvozasiga shuncha gol urgan. Ayni paytda poytaxtliklar safida o'ynayotganlardan Dragan Cheran 5 bor ushbu raqib darvozasiga to'p kiritgan.

"Metallurg" bilan o'zaro o'yinlar to'purarlari
9 - Igor Sergeev
8 - Anvar Soliev
6 - Server Jeparov, Dilmurod Karimov
5 - Igor Shkvirin, Aleksandr Geynrix, Bahodir Pardaev, Dragan Cheran.
4 - Azamat Abduraimov, Leonid Koshelev, Ismael Gonsalvesh, Zohid Abdullaev.

Manba: "Paxtakor" klubi matbuot xizmati