"Atletiko" himoyachisi: "Xoland - men qarshi o'ynagan eng yaxshi hujumchi"

Madridning “Atletiko” klubi himoyachisi Fransisko Montero “Manchester Siti”ga joriy transfer oynasiga o'tgan norvegiyalik hujumchi Erling Xoland haqida o'z fikrlari bilan o'rtoqlashdi.

“Xoland – eng yuqori saviyadagi futbolchi. U men qarshi o'ynagan eng yaxshi hujumchi. Lekin u bilan yuzma-yuz kelganimda uning yuksak mavqei haqida o'ylamagandim. Agar siz diqqatingizni bunga qaratsangiz, konsentratsiyani yo'qotasiz, Erling esa darhol undan foydalanadi", - dedi futbolchi AS bilan suhbatda.

Montero o'tgan mavsumda "Beshiktosh" safida ijara asosida o'ynagan edi. Norvegiyalik futbolchi Dortmundning "Borussiya" jamoasida o'ynaganida, himoyachi Chempionlar ligasi guruh bosqichida Xoland bilan to'qnash kelgan.