"Yuventus" "Liverpul" hujumchisini sotib olishga ishonmoqda
/ Kiritdi: BestMaster Ko'rilgan: 96
“Yuventus” klubi “Liverpul” hujumchisi Roberto Firminoni hamyonbop narxda sotib olishiga ishonmoqda, deb xabar beradi The Mirror.
Manba bergan xabarga ko'ra, Italiya klubi rahbarlarining optimizmi avvalroq "Liverpul" hujumchisi Muhammad Salohning "qizillar" bilan yangi shartnoma imzolagani bilan bog'liq.
Ko'rinishidan, Yurgen Klopp murabbiylar shtabi kelasi mavsum Saloh - Darvin Nunes - Luis Dias triosiga ishonadi. Bu holatda 30 yoshli Firmino zaxira o'yinchisi bo'ladi.
Bu vaziyat 30 yoshli braziliyalikga to'g'ri kelmaydi. U o'yin amaliyoti yo'qligi sababli terma jamoaga chaqirilmasligi mumkin. Qatarda bo'lib o'tadigan JCh-2022 oldidan esa Firmino muntazam o'yin amaliyotiga ega bo'lmoqchi. Shu munosabat bilan "Yuventus" braziliyalik futbolchining transferiga ishonmoqda.
"Yuventus" Firmino uchun "Liverpul"ga 25 million evro taklif qilishi kutilmoqda.
Braziliyalik futbolchi faoliyati davomida “qizillar” safida 327 ta o'yinda maydonga tushgan. Ularda u 98 ta gol urdi va 74 ta golli uzatmani amalga oshirdi.
Bosh sahifaga
129