Tuxel ortiq Zieshni "Chelsi"da ko'rmoqchi emas. Futbolchi "Milan"ga transfer qilinadi

"Chelsi" vingeri Xakim Zieshni sotishga tayyor. Insayder Fabritsio Romanoning so'zlariga ko'ra, "ko'klar" bosh murabbiyi Tomas Tuxel futbolchini o'z jamoasida saqlab qolmaydi.

29 yoshli marokashlik futbolchiga asosiy davogar "Milan" hisoblanadi. Yaqin orada klublar futbolchining transferi bo'yicha yangi muzokaralar olib borishadi.

Avvalroq, milanliklar ijara uchun 5 million evro to'lashga tayyor ekani xabar qilingandi.

2021/22 yilgi mavsumda qanot hujumchisi barcha musobaqalarda 44 ta o'yinda 8 ta gol urdi va 6 ta golli uzatmani amalga oshirdi.