"Manchester Yunayted" Malasia transferini e'lon qilishga tayyor

"Feyenoord" himoyachisi Tirell Malasia tez orada "Manchester Yunayted"ga o'tadi, deya xabar beradi jurnalist Fabritsio Romano.

Manba bergan xabarga ko'ra, 22 yoshli niderlandiyalik bilan kelishuv 2026 yilning yoziga qadar tuziladi va ingliz klubi futbolchi uchun 15 million evro hamda bonus sifatida 2 million evro to'laydi. Futbolchi transferdan oldin tibbiy ko'rikdan o'tgan.

2021/22 yilgi mavsumda Malasia "Feyenoord" safida 50 ta o'yinda maydonga tushib, 1 ta gol urdi va 5 ta golli uzatmani amalga oshirdi. Transfermarkt.com portali himoyachining narxini 17 million evroga baholamoqda.