Ob-havo ta'sirida qit'a bosh turniri boshqa muddatga qoldirildi

Afrika futbol konfederatsiyasi Ijroiya qo'mitasining Marokashda bo'lib o'tgan yig'ilishida Afrika Millatlar kubogining navbatdagi musobaqasini olti oy keyinga ko'chirishga qaror qilindi.

Bu haqda jurnalist Asher Komugisha ijtimoiy tarmoqlarda xabar berdi. Unga ko'ra, Afrika millatlar kubogi 2023 yilning iyun-iyul oylarida Kot-d'Ivuarda o'tkazilishi kerak edi.

Biroq, bu davrda, odatda, mamlakatda kuchli yomg'ir yog'adi. Shu munosabat bilan turnir 2024 yilning yanvar-fevral oylariga ko'chirildi.

Afrika Millatlar Kubogining amaldagi sohibi Senegal terma jamoasi hisoblanadi. Shu yilning fevral oyida bo'lib o'tgan finalda jamoa penaltilar seriyasida Misrni mag'lub etgan edi.