«Renn» «PSJ»ni mag'lub etib, Frantsiya kubogi g'olibiga aylandi (video)

Kecha Frantsiya kubogining final uchrashuvi bo'lib o'tdi. «Stad de Frans» stadionida "Renn" va "PSJ" klublari to'qnash kelishdi.

Parijliklar o'yinni juda faol boshlab, 13 va 21-daqiqalarda Dangi Alves va Neymar tomonidan urilgan gollar evaziga 2ta to'p farqi bilan oldinga o'tib olishdi. Biroq "Renn" hisobni tenglashtirishga muvaffaq bo'ldi: 40-daqiqada Kimpembe o'z darvozasini ishg'ol qilib qo'ygan bo'lsa, ikkinchi bo'lim o'rtasida Mesher muvozanatni tikladi. Qo'shimcha bo'limlarda hisob o'zgarmadi.

Penaltilar seriyasida omad "Renn"ga kulib boqdi — 6:5. Shu tariqa, 1971 yildan beri ilk marta Frantsiya kubogi sohibiga aylandi.

So'nggi 5 yildan beri finalga chiqayotgan "PSJ" ilk marta hal qiluvchi o'yinda yutqazdi.

Frantsiya kubogi, final
Renn – PSJ 2:2 (1:2, 1:0, 0:0, 0:0), penaltilar bo'yicha - 6:5
Gollar: 0:1 – 13 Dani Alves, 0:2 – 21 Neymar, 1:2 – 40, avtogol Kimpembe, 2:2 – 66 Mesher.
Renn – Koubek, Da Silva, Bensebayni, Traore, Mesher, Ben-Arfa, Andre, Burigo (Lea Siliki, 105), Grene, Sarr, Nyang.
PSJ – Areolya, Kimpembe, Markinos, Bernat, Dani Alves, Draksler (Kavani, 90), Verratti, Di Mariya (Paredes, 75), Dagba (Diabi, 105; Nkunku, 120), Neymar, Mbappe.
Ogohlantirishlar: Grene (24), Verratti (29), Neymar (44), Di Mariya (55), Mesher (68), Burigo (71), Paredes (95), Andre (97), Nyang (107), Bensebayni (112), Lea Siliki (118).
Chetlatish: Mbappe (118).