“Real” Benzemaning o'rniga boshqa hujumchi olib kelish rejasini ishlab chiqdi

"Real" jamoasi etakchisi Karim Benzema bilan hamkorlikni kengaytirishni maqsad qilgan. AS nashri xabariga ko'ra, bu "qirollik klubi" rahbariyatining ustuvor maqsadi.

"Qaymoqranglilar" 34 yoshli to'purar bilan shartnomani 2024 yilning yoziga qadar uzaytirmoqchi. Kelajakda Madrid grandi yangi yosh markaziy hujumchi bilan shartnoma imzolashni kutmoqda. "Real" prezidenti Florentino Peresning asosiy maqsadi - bu yozda "Manchester Siti"ga o'tgan norvegiyalik Erling Xoland.

2024 yilda Xolandning shartnomasida tovon puli 150 million evroni tashkil qiladi. "Real" bu banddan unumli foydalanib, 21 yoshli skandinaviyalik futbolchini sotib olmoqchi.