Kapello: "Yuventus" Dibalani qo'yib yuborganidan afsuslanmaydi"

"Yuventus"ning sobiq bosh murabbiyi Fabio Kapello Gazzetta dello Sport nashriga bergan intervyusida hujumchi Paulo Dibalaning kelajagi haqidagi fikrlari bilan o'rtoqlashdi.

"Men hozir uning xizmatlarini muhokama qilishni xohlamayman. Keling, avval qaysi jamoaga borishini ko'rib chiqaylik, keyin bu haqda gaplashamiz, chunki unga biron bir alohida jamoaga borishni tavsiya qilish to'g'ri emas. Keling, kutamiz va u qaerda o'ynashini ko'ramiz.

"Yuventus"ga kelsak, uni qo'yib yuborganlariga afsuslanmaydi deb o'ylayman. Bu tanlov jamoaviy nuqtaiy nazardan qilingan va uni hurmat qilish kerak”, — dedi mutaxassis.