Levandovski - Xaviga: "Sizning qo'l ostingizda o'ynashni juda xohlayman"

Robert Levandovski va Xavi Ibitsada ta'til paytida uchrashishdi.

As nashrining xabariga ko'ra, "Bavariya" hujumchisi va "Barselona" ustozi bir necha daqiqa davomida suhbat uyushtirishgan. Bu norasmiy suhbat edi, Levandovski va Xavi oilalar haqida gaplashishdi va ta'tilni muhokama qilishdi.

Xayrlashar chog'ida Levandovski Xaviga: "Men siz bilan ishlashni juda xohlayman" - dedi.

Xavi 33 yoshli forvardni 16 iyul kuni AQShdagi turnesi boshlanishidan oldin o'z jamoasiga qo'shib olishga umid qilmoqda.

O'tgan mavsumda polshalik hujumchi “Bavariya” safida barcha musobaqalarda 50 ta o'yinda maydonga tushib, 46 ta gol urishga muvaffaq bo'ldi.