"Nyukasl" "Arsenal"dan ildamlab ketmoqchi

"Lester"ning etakchi yarim himoyachisi Yuri Tilemans yana bir APL klubi tomonidan nishonga olingan.

CBS Sport nashriga ma'lum bo'lishicha, "Nyukasl" 25 yoshli yarim himoyachining transferini amalga oshirmoqchi.

Tilemansning bozor qiymati taxminan 37 million evroga baholanmoqda. Yurining "tulkilar" bilan shartnomasi keyingi mavsum oxirigacha tuzilgan.

O'tgan mavsumda belgiyalik futbolchi 49 ta o'yin o'tkazib, 7 ta gol urdi va 5 ta golli uzatmani amalga oshirdi.