"Inter" hujumchisi jamoadan ketish arafasida turibdi

"Atalanta" "Inter" hujumchisi Andrea Pinamonti bilan shartnoma imzolashga yaqin turibdi, deb yozmoqda jurnalist Nikolo Skira o'zining Twitter sahifasida.

23 yoshli italiyalik bergamoliklar bilan shaxsiy shartnoma shartlarini kelishib olgan. Yaqin kunlarda har ikki klub bosslari kelishuvni yakunlaydilar. Oldinroq "Inter" hujumchini 18-20 million evro evaziga qo'yib yuborishga tayyorligi xabar qilingandi.

Pinamonti o'tgan mavsumda "Empoli"da ijara asosida o'ynadi. A Seriyada u 36 ta o'yin o'tkazib, 13 ta gol va 2 ta golli uzatmani amalga oshirgan.

Pinamontining shartnomasi 2024 yilning iyunigacha mo'ljallangan.