Pyanich Masharipovning jamoadoshiga aylanishi mumkin

"Barselona" yarim himoyachisi Miralem Pyanich faoliyatini Saudiya Arabistonida davom ettirishi mumkin. Futbolchiga “An-Nassr” jamoasi qiziqish bildirmoqda, deb xabar beradi Sport.es

Pyanich bilan "Roma"da birga ishlagan Rudi Garsiya yarim himoyachini o'z jamoasida ko'rmoqchi.

"Barselona" yuqori maoshini tejash uchun 32 yoshli yarim himoyachini sotishga tayyor.

Pyanich o'tgan mavsumda "Beshiktosh" safida ijara asosida o'ynagandi. U turk klubi safida 26ta o'yin o'tkazib, 4ta golli uzatmani amalga oshirgan.

Uning "Barselona" bilan shartnomasi 2024 yilning iyunida yakuniga etadi. Transfermarkt yarim himoyachini 11,5 million evroga baholamoqda.