Manba: Ronaldu "Manchester Yunayted"ga iltimos bilan chiqdi

The Times xabariga ko'ra, Krishtianu Ronaldu yozda "Manchester Yunayted"ni tark etadi.

Portugaliyalik futbolchi klub rahbariyatiga tegishli taklif tushsa, uni sotishni iltimos qilib murojaat qilgan.

37 yoshli hujumchi faoliyatining oxirigacha har mavsum Chempionlar ligasida o'ynashni maqsad qilgan.

Ronaldu 2021 yil avgust oyi oxirida "Manchester Yunayted"ga qaytgandi. 2021/22 yilgi mavsumda u jamoa uchun barcha musobaqalarda 38 ta o'yinda 24 ta gol urdi va 3 ta golli uzatmani amalga oshirdi.

Hujumchining klub bilan shartnomasi 2023 yilning 30 iyuniga qadar mo'ljallangan.