Xenderson: "Ajoyib tarixga ega jamoaning bir qismi ekanligimdan xursandman"

"Manchester Yunayted" darvozaboni Din Xenderson "Nottingem Forest"ga o'tdi. Darvozabon klubga 2023 yilning iyun oyigacha sotib olish huquqisiz ijara asosida o'tgan.

“Ajoyib muxlislar va ajoyib tarixga ega jamoaning bir qismi ekanligimdan xursandman. "Nottingem Forest" xo'jayinlariga menga ishongani va klub uchun Premer-ligada ushbu mavsumda jamoa bilan o'ynash imkoniyatini taqdim etgani uchun minnatdorchilik bildirmoqchiman", - dedi "Nottingem Forest" yangi darvozaboni.

Eslatib o'tamiz, o'tgan mavsumda Din Xenderson "qizil iblislar"ning asosiy tarkibida uchta o'yin o'tkazib, o'z darvozasidan uchta gol o'tkazib yuborgandi.