"Inter" "Milan" tarbiyalanuvchisi bilan shartnoma imzolaydi

"Inter" "Kalyari" himoyachisi Raul Bellanovani ijaraga oladi, deya xabar beradi Calciomercato.

Manbaga ko'ra, "neradzurrilar" 22 yoshli italiyalikning ijarasi uchun 3 million evro to'laydi. Shuningdek, “Inter” futbolchini 5 million evroga sotib olish huquqiga ega bo'ladi.

Futbolchi 4 iyul, dushanba kuni tibbiy ko'rikdan o'tishi rejalashtirilgan.

2021/22 yilgi mavsumda Bellanova “Kalyari” safida 31 ta o'yinda maydonga tushib, 1 ta gol urdi va 2 ta golli uzatmani amalga oshirdi. Transfermarkt.com portali himoyachining narxini 7 million evroga baholamoqda.

Eslatib o'tamiz, Bellanova “Milan” tarbiyalanuvchisi hisoblanadi.