Mxitaryan emotsional tarzda “Roma” va Mourino bilan xayrlashdi

Milanning “Inter” klubiga o'tgan armanistonlik yarim himoyachi Genrix Mxitaryan ikki mavsum o'tkazgan “Roma” bilan xayrlashdi.

"Roma" o'ziga xos klub, ammo xayrlashish vaqti keldi. Klubning barcha xodimlariga katta rahmat aytmoqchiman. Shuningdek, menga ishonch bildirgan va qo'shimcha motivatsiya bergan Joze Mourinoga ham katta rahmat. Rimliklar uchun o'yinlarda o'zimni to'liq kuchimni berdim. Bu jamoada o'ynash men uchun sharaf edi”, - deyiladi futbolchining ijtimoiy tarmoqlardagi xabarida.

Mxitaryan “Roma” bilan birgalikda o'tgan mavsumda Konferentsiyalar ligasida g'olib chiqqandi.