Tez orada "Chelsi" de Ligt uchun birinchi taklifni yuboradi

Londonning “Chelsi” klubi yaqin orada markaziy himoyachi Mattias de Ligt transferi uchun Turin “Yuventus”iga murojaat qiladi. Bu haqda ijtimoiy tarmoqlarda italiyalik jurnalist Alfredo Pedula xabar berdi.

Manbaga ko'ra, londonliklar futbolchi uchun 70 + 10 million evro bonus taklif qiladi. Oldinroq "Yuventus" futbolchi uchun 90-100 million evroga sotmoqchi ekanligi ma'lum qilingandi.

Mish-mishlarga ko'ra, de Ligt Tomas Tuxelning "Chelsi"dagi faoliyatidan qoyil qolgan va faoliyatini Angliya klubida davom ettirmoqchi.