"Yuventus" yarim himoyachisi "Fiorentina"ga o'tdi

Turinning “Yuventus” klubi yarim himoyachisi, o'tgan mavsumni “Torino”da o'tkazgan Rolando Mandragora “Fiorentina”ga o'tdi.

Taniqli italiyalik jurnalist Nikolo Skiraning o'z tvitterida yozishicha, "keksa sinora" 25 yoshli yarim himoyachi uchun barcha mumkin bo'lgan bonuslarni hisobga olgan holda 10 million evro oladi. Futbolchi Florentsiya klubi bilan 4+1 sxemasi bo'yicha yiliga 1,6 million evro maosh bilan shartnoma imzolaydi. Rolandoning tibbiy ko'rigi bugun ertalab bo'lishi kerak. Muvaffaqiyatli yakunlangan taqdirda futbolchi va klub o'rtasida shartnoma imzolanadi.

O'tgan mavsumda yarim himoyachi A seriyada "Torino" uchun 21 o'yin o'tkazib, ikkita golli uzatmani amalga oshirdi.