"Atletiko" Bernarderskini o'z safiga qo'shib olish imkoniyatini ko'rib chiqmoqda

"Yuventus" bilan shartnomasini yakunlab, erkin agentga aylangan 28 yoshli italiyalik hujumkor yarim himoyachi Federiko Bernardeski "Atletiko Madrid" e'tiborini tortdi, deb xabar beradi GOAL.

Manbaga ko'ra, "Atletiko" vakillari bu transfer yo'lida faqat birinchi qadamlarni qo'yishmoqda va futbolchining yaqinlari bilan aloqa o'rnatishmoqda.

Avvalroq Bernardeski "Napoli" bilan muzokara olib borgan va klub unga 2,5 million evro maosh bilan shartnoma taklif qilgan, ammo futbolchining o'zi 3 million evro miqdorida maosh talab qilgandi.

Bernardeski o'tgan mavsumda "Yuventus" safida barcha turnirlarda 36 ta o'yinda maydonga tushib, 2 ta gol urdi va 6 ta golli uzatmani amalga oshirdi.