A seriya. Ronalduning goli «Yuventus»ni mag'lubiyatdan qutqarib qoldi (video)

Italiya chempionatining 34-turi doirasidagi markaziy o'yin Milandagi "Juzeppa Meatstse" stadionida bo'lib o'tdi. "Inter" va "Yuventus" jamoalari o'rtasidagi o'yin durang bilan yakunlandi.

Bahsning 7-daqiqasida Raja Nainggolan ajoyib gol muallifiga aylandi. U jarima maydonchasi tashqarisida o'zi tomon kelgan to'pni erga tushirmasdan darvoza tomon tepdi. Shchensni ushbu zarbani qaytara olmadi.

Qolgan daqiqalarda tashabbus mezbonlar tomonida bo'ldi, Ronaldu gol urgunga qadar. Uchrashuvning 62-daqiqasida Krishtianu jarima maydonchasi chizig'i ustida chap oyoqda zarba berib, raqib darvozasini ishg'ol etdi.

O'yin yakuniga qadar har ikkala jamoa g'alabani o'z tomonlariga og'dirishlari mumkin edi. Ular yana 2tadan golga tortadigan vaziyatlarga ega bo'lishdi. Ammo uchrashuvda boshqa hisob o'zgarmadi.

"Yuventus" o'tgan turdayoq chempionlikni rasmiylashtirgan bo'lsa, "Inter" o'z hisobiga 1 ochkoni qo'shib qo'ydi. Bu ochko Spalleti jamoasiga mavsumni 3-o'rinda yakunlash uchun yordam berishi mumkin.

Italiya A seriyasi, 34-tur
Inter – Yuventus 1:1 (1:0, 0:1)
Gollar: 1:0 – 7 Nainggolan, 1:1 – 62 Ronaldu.
Inter – Xandanovich, D`Ambrozio, de Vrey, Shkrinyar, Asamoa, Vesino, Brozovich, Politano (Joau Mariu, 80), Nainggolan (Valero, 74), Perishich, Ikardi (Martines, 82).
Yuventus – Shchensni, Joau Kanselu, Bonuchchi, Kellini, Aleks Sandro (Spinatstsola, 49), Kuadrado, Emre Jan, Pyanich, Matyuidi (Kin, 60), Bernardeski (Mateus Pereyra, 86), Ronaldu.
Ogohlantirishlar: Kuadrado (40), Perishich (44), Kellini (45), Kin (90).