Ziesh borasidagi muzokaralar davom etmoqda

“Chelsi” vingeri Xakim Ziesh faoliyatini “Milan”da davom ettirishi mumkin. Jurnalist Fabritsio Romano xabariga ko'ra, o'tgan haftadan beri "Milan" futbolchining transferi borasida "Chelsi" bilan bevosita aloqada.

Qayd etilishicha, 29 yoshli marokashlik futbolchi klubga o'tishga tayyor.

Avvalroq, milanliklar ijara uchun 5 million evro to'lashga tayyor ekani xabar qilingandi.

2021/22 yilgi mavsumda yarim himoyachi barcha musobaqalarda 44 ta o'yinda 8 ta gol urdi va 6 ta golli uzatmani amalga oshirdi.