"Yuventus" Kulibalining agenti bilan uchrashdi

"Yuventus" vakillari taxminan uch hafta oldin "Napoli" himoyachisi Kalidu Kulibalining agenti Fali Ramadani bilan uchrashishdi. Bu haqda jurnalist Nikolo Skira xabar berdi.

Unga ko'ra, Turin klubi Kulibalini yozda jamoani tark etsa, Matteys De Ligtga ideal o'rinbosar deb hisoblaydi. "Napoli" 31 yoshli senegallik futbolchi bilan shartnomani uzaytirmasa, u bilan xayrlashishga tayyor, ammo neapolliklar Kalidani xorij klubiga sotishni afzal ko'rishadi.

Eslatib o'tamiz, De Ligtga "Chelsi" da'vogarlik qilmoqda. Shuningdek, londonliklarning Kulibaliga qiziqish bildirishlari ham xabar qilingan.

Kulibalining "Napoli" bilan shartnomasi 2023 yilning yozida yakuniga etadi. 2021/22 yilgi mavsumda u neapolliklar safida barcha musobaqalarda 34 ta o'yinda maydonga tushib, 3 ta gol urdi va 3 ta golli uzatmani amalga oshirdi.