"Arsenal" Genduzi "Marsel"ga o'tganini e'lon qildi

"Arsenal" yarim himoyachisi Matteo Genduzi "Marsel"da qoladigan bo'ldi. Tomonlar ijara asosida frantsuz klubida to'p tepgan futbolchining to'liq transferini kelishib olishdi.

O'tgan mavsumni 23 yoshli futbolchi "Marsel" klubida ijara asosida o'tkazdi. U 56 ta o'yinda maydonga tushib, 5 ta gol urdi va 14 ta golli uzatmani amalga oshirdi.

RMC Sport xabariga ko'ra, yarim himoyachi 2025 yilgacha mo'ljallangan shartnoma imzolagan.