Italiya va Ispaniya nazorat bahsida ishtirok etdi

Bugun, 1-iyul kuni Italiya va Ispaniya ayollar terma jamoalari o'rtasida o'rtoqlik uchrashuvi bo'lib o'tdi. Uchrashuv “Teofilo Patini” stadionida bo'lib o'tdi va 1:1 hisobida yakunlandi.

Ikkinchi bo'lim boshida Italiya terma jamoasi hujumchisi Valentina Bergamaski hisobni ochdi. Uchrashuvning 67-daqiqasida Aleksiya Putelyas javob golini kiritdi. Aleksiya uchun bu o'yin Ispaniya terma jamoasidagi 100-bahs bo'ldi.

Har ikki jamoa 6 iyul kuni Angliyada boshlanadigan 2022 yilgi Evropa chempionatiga tayyorgarlikni yakunladi.

Guruh bosqichining birinchi turida Italiya terma jamoasi Frantsiya termasi bilan, ispanlar esa Finlyandiya bilan to'qnash keladi.