Ramos 2019 yilda RFEF rahbariga "Barselona"ning o'yinidagi hakamlikdan shikoyat qilgani ma'lum bo'ldi

Serxio Ramos "Barselona"ga qarshi o'yindagi hakamlikdan nolidi.

El Confidencial nashri Madridning sobiq himoyachisi va Ispaniya Qirollik futbol federatsiyasi (RFEF) prezidenti Luis Rubialesning 2019 yilgi yozishmalarini chop etdi.

Xususan, Ramos 2019 yilning 20 yanvarida “Barselona” – “Leganes” (3:1) uchrashuvidan so'ng Rubialesga xat yozgan edi.

“Rubi, biz allaqachon VAR muammosidan jiddiy xavotirdamiz, ayniqsa “Barselona” bilan. Hakamlarning qilayotgan ishlari haqiqiy sharmandalik. Bugun ikkinchi golda Suaresning darvozabonga nisbatan qo'polligini ko'rdingizmi? Bu kulgili”, - deb yozadi Ramos.

"Xayrli kun, Serxio. Siz terma jamoa sardorisiz, orqangizda yuzlab, minglab o'yinlar bor va u yoki bu lahzalar haqida ba'zida turli fikrlar bo'lishini hammadan yaxshi tushunasiz.

O'zingizga yaxshi ma'lumki, men bu lahzalarga kirmayman. Biz har kuni hakamlik samaradorligini oshirish uchun ishlaymiz. Hammamiz birgalikda futbolimizni yaxshilashga harakat qilishimiz kerak. Tez orada ko'rishguncha, - deb javob berdi Rubiales ertasi kuni.

“Siyosiy jihatdan juda to'g'ri, tabriklayman. Kechagi "Barselona" o'yini haqida shaxsiy fikr kutgandim, bu janjal edi. "Barselona"ning Ligadagi g'alabasi oldindan belgilab qo'yilgan.

Men pozitsiyani tushunaman”, - deb yozgan o'tgan yozda "PSJ"ga o'tgan himoyachi .

2018/19 yilgi mavsumda "Barselona" chempion bo'lgan, "Real" esa uchinchi o'rinni egallagandi.