Yarim avtomatik VAR tizimi Qatarda bo'lib o'tadigan Jahon chempionatida qo'llaniladi

Xalqaro futbol federatsiyasi (FIFA) o'zining rasmiy saytida 2022 yilda Qatarda bo'lib o'tadigan Jahon chempionatida ofsaydlarni aniqlash uchun yarim avtomatik VAR tizimi qo'llanilishini ma'lum qildi.

Tanlangan tizim tufayli hakamlar uchun ofsaydlarni aniqlash osonroq va tezroq bo'ladi. Yarim avtomatik rejim maydonning perimetri bo'ylab joylashgan o'yinchilarning uch o'lchovli modeliga nisbatan to'pning joylashishini aniqlashga yordam beradi.

Avvalroq FIFA prezidenti Janni Infantino ushbu VAR tizimi klublar o'rtasidagi Jahon chempionatida muvaffaqiyatli sinovdan o'tganini aytgandi. Infantino ushbu tizimni kattaroq turnirda muvaffaqiyatli ishtirok etishiga shubha qilmayapti.