Fillips "Manchester Siti" uchun tibbiy ko'rikdan o'tgani keldi (foto)

"Lids" yarim himoyachisi Kalvin Fillips "Manchester Siti"ga o'tishdan oldin tibbiy ko'rikdan o'tish uchun Manchester shahriga etib keldi. Bu haqda Sky Sports xabar bermoqda.

O'tgan haftada "shaharliklar" "Lids" bilan 26 yoshli futbolchining transferi borasida kelishib olgani ma'lum bo'lgandi. Bitim 45-50 million funtni tashkil qiladi. “Shaharliklar” safida Fillips faoliyatini “Atletiko Paranaense”da davom ettiradigan braziliyalik Fernandino o'rnini egallaydi.

Kalvin Fillips o'tgan mavsumda 23 ta o'yinda maydonga tushib, 1 ta gol urdi va 1 ta golli uzatmani amalga oshirdi.