Vlaxovich yangi mavsumda boshqa raqamda to'p suradi

Turinning “Yuventus” klubi hujumchisi Dushan Vlaxovich yangi mavsumda boshqa raqamda maydonga tushadi.

Qishqi transfer bozorida "keksa sinora" safiga qo'shilgan hujumchi ettinchi raqamni olgandi. Endi u yangi mavsumda to'qqizinchi raqamda to'p suradi. Bu haqda “Yuventus” rasmiy saytida ma'lum qildi.

Eslatib o'tamiz, "Yuventus" tarkibida to'qqizinchi raqamda Alvaro Morata to'p surgandi.

Vlaxovich o'tgan mavsumda “Yuventus” safida A seriyaning 15 ta o'yinida 7 ta gol urdi. Mavsumning birinchi yarmida serbiyalik hujumchi “Fiorentina” safida 21 ta o'yinda 17 ta gol urdi.