FIFA Jahon chempionatida ofsaydni aniqlashning yarimavtomat tizimini qo'llaydi

Xalqaro futbol federatsiyasi (FIFA) 2022 yilda Qatarda bo'lib o'tadigan jahon chempionatida o'yindan tashqari holatni aniqlashning yarim avtomatik tizimidan foydalanishini e'lon qildi.

FIFA rasmiy sayti xabariga ko'ra, stadion tomi ostiga o'rnatilgan 12 ta maxsus kameralar to'pning holatini va har bir futbolchining tanasidagi 29 nuqtani, shu jumladan, ofsayd bo'lishi mumkin bo'lgan tananing barcha qismlarini kuzatib boradi.

Turnirda foydalaniladigan to'plar ichiga maxsus sensor o'rnatiladi. Yangi texnologiya tufayli videoyordamchi hakamlar o'yinchi jamoadoshi uzatmasi vaqtida o'yindan tashqari holatda ekanligi haqida avtomatik ravishda bildirishnoma oladi.

Shundan so'ng, VAR vaziyatni qo'lda tekshiradi va vaziyat haqida bosh hakamga xabar beradi. Qaror tasdiqlangach, stadionda va translyatsiyada ofsayd holati aks etgan 3D animatsiya namoyish etiladi.

Qayd etilishicha, yangi ofsaydni aniqlash jarayoni bir necha soniya davom etadi.