"Napoli" "Inter" hujumchisi Korreaga qiziqmoqda

Il Mattino xabariga ko'ra, "Napoli" "Inter" hujumchisi Xoakin Korreaga qiziqish bildirmoqda.

Manbaning xabariga ko'ra, neapolliklar yozgi transfer oynasida futbolchini sotib olish variantini ko'rib chiqmoqda. "Napoli"da hujumchi klubni tekinga tark etgan belgiyalik Dris Mertensning o'rnini egallashi mumkin. Milan klubi argentinalik futbolchini 30 million evroga baholamoqda.

27 yoshli Korrea o'tgan mavsumda “Inter” safida barcha turnirlarda 36 ta o'yinda maydonga tushib, 6 ta gol urdi va 2 ta golli uzatmani amalga oshirdi. Uning klub bilan shartnomasi 2025 yilning yoziga qadar mo'ljallangan.