Sarri o'z shogirdining xizmatlaridan voz kechmoqchi

Jurnalist Nikolo Skiraning xabar berishicha, "Latsio" hujumchi Vedat Murikini sotish ustida ishlamoqda.

Manbaning xabariga ko'ra, futbolchi poytaxt klubi bosh murabbiyi Mauritsio Sarrining rejalariga kiritilmagan.

"Burgutlar" o'z hujumchisi uchun 12 million evro talab qilmoqda. Futbolchiga Angliyaning “Xall Siti” klubi qiziqish bildirmoqda.

Muriki "Latsio"ga 2020 yilda "Fenerbaxche"dan 19,92 million evro evaziga o'tgan edi. Uning shartnomasi 2025 yilgacha mo'ljallangan.

Kosovo terma jamoasining 28 yoshli vakili o'tgan mavsumning ikkinchi yarmini ijara asosida "Malorka"da o'tkazdi va 16 uchrashuvda raqiblar darvozasiga 4 ta gol urib, 3 ta golli uzatmani amalga oshirdi.