Anchelotti Yovichning transferiga qarshi

"Real" bosh murabbiyi Karlo Anchelotti hujumchi Luka Yovichning "Fiorentina"ga ketishiga qarshi, deb xabar beradi Radio Bruno. Italiyaliklar yaqin orada futbolchini ijaraga olmoqchi.

Manbaning xabariga ko'ra, mutaxassis futbolchini jamoada olib qolmoqchi. Anchelotti Yovich Italiya klubiga o'tish haqidagi fikrini o'zgartirishi uchun hamma narsaga tayyor.

29 iyun kuni Luka kelasi hafta Florentsiyada tibbiy ko'rikdan o'tishi va shartnoma imzolashi haqida xabar berilgandi.

Hujumchi o'tgan mavsumda "Real" safida 19 ta o'yinda maydonga tushib, 1 ta gol va 3 ta golli uzatmani amalga oshirgan.