Sambochilarimiz Vladivastok turnirini 2 ta oltin medal bilan boshlashdi

Bugun Rossiyaning Vladivastok shahrida sambo bo'yicha yirik xalaro musobaqa start oldi. Mazkur musobaqa xotira turniri bo'lib, unda g'olib bo'lganlar jahon reytingi uchun ham katta miqdordagi ochkolarga ega bo'lishadi.

Bugun bo'lib o'tgan musobaqaning dastlabki kun bahsida terma jamoamizning ikki vakili oltin medallarga sazovor bo'lishdi. Dastlab Bekzod Nurmatov -82 kilogramm vaznli jangovor sambo ustalari orasida g'oliblikni qo'lga kiritdi. Nurmatov final jangida rossiyalik Ivan Grachovni mag'lub etdi.

Shuningdek, Ne'mat Yoqubov (-90 kg) sport sambosi yo'nalishida barcha raqiblarini mag'lub etdi. Bu borada hamyurtimizga finalda mezbonlarning boshqa bir vakili Anton Surovtsev qarshilik ko'rsatishga harakat qildi.

Musobaqa ertaga o'z yakuniga etadi. Ikkinchi kun dasturida ham bir qator iqtidorli vakillarimiz chempionlik uchun gilamga chiqishadi.