Rafinyaning agenti "Barselona"da bo'lgan

"Barselona" "Lids" vingeri Rafinya Diazni o'z safiga qo'shib olmoqchi, deya xabar beradi jurnalist Fabritsio Romano.

Avvalroq, "Chelsi" ingliz klubi bilan braziliyalik futbolchining transferi miqdorini kelishib olgan va futbolchiga 2027 yilgacha shartnoma taklif qilgandi.

Manbaga ko'ra, Rafinyaning agenti Deko 29 iyun kuni ispan klubi bilan muzokaralar olib borish uchun Barselonada bo'lgan.

Rafinya o'tgan mavsumda "Lids" safida 35 ta o'yinda maydonga tushib, 11 ta gol urdi va 3 ta golga assistentlik qildi. Uning klub bilan shartnomasi 2024 yilning 30 iyuniga qadar mo'ljallangan.