O'zbekiston U-23 terma jamoasining uch futbolchisi «Kelajak bunyodkori» medali bilan mukofotlandi

Futbol bo'yicha O'zbekiston olimpiya terma jamoasining uch nafar futbolchisi prezident Shavkat Mirziyoev farmoni bilan «Kelajak bunyodkori» medali bilan mukofotlandi.

O'zbekiston U-23 terma jamoasi sardori, yarim himoyachi Jasur Jaloliddinov, hujumkor yarim himoyachi Hojimat Erkinov va hujumchi Husayn Norchaev prezident tomonidan mukofotlangan qator yoshlar ro'yxatidan o'rin olgan.

Eslatib o'tamiz, 1—19 iyun kunlari O'zbekistonda bo'lib o'tgan U-23 Osiyo Kubogida mamlakat olimpiya terma jamoasi finalga qadar etib bordi. Hal qiluvchi o'yinda Temur Kapadze shogirdlari Saudiya Arabistoniga mag'lub bo'ldi.

Manba: daryo.uz